28 кастрычніка 2024 года пачаў сваю работу аздараўленчы асенні лагер “Весяльчак”.
Адкрыццё лагернай змены адбылося з урачыстага падняцця Дзяржаўнага Сцяга РБ і сумеснага выканання Гімна РБ.
Пасля хвілінкі здароўя выбіралі актыў лагера, удзельнічалі ў конкурсе на лепшую ідэю ў афармленні гульнявога пакоя “Скарбонка ідэй”, развучвалі атрадную песню. Рабяты выбралі камандзірам атрада Аўгусціновіч Вікторыю, намеснікам Барысевіч Аляксандру.
З вялікім задавальненнем рабяты адправіліся на спартыўную гадзіну “Прывітанне, канікулы!”, дзе змаглі паказаць сваю лоўкасць, уважлівасць і кемлівасць.
Пасля спартыўнай гадзіны рабяты ўдзельнічалі ў конкурсе малюнкаў
“ Мая Беларусь!”, які быў прысвечаны 80-годдзю Перамогі. Усе прынялі актыўны ўдзел у конкурсе.
Скончыўся першы лагерны дзень выніковай лінейкай.
